Саудия Арабистонида йил бошидан бери 53 киши қатл этилди. Бу ҳақда «Интерфакс» хабар бермоқда.
25 январь, душанба куни Жиддада қотиллиги учун ўлим жазоси берилган Саудия фуқароси Муҳаммад бин Авад аз-Заҳронийга нисбатан ҳукм ижро этилди. Мамлакатда қатл асосан бошини танасидан жудо этиш йўли билан амалга оширилади.
2015 йилда Саудия Арабистонида 153 та қатл қайд этилди, ундан бир йил олдин бу кўрсаткич 87 тани ташкил этганди.
Эслатиб ўтамиз, олдинроқ мамлакатда терроризм ва фитнада айбланган 47 кишига нисбатан ўлим ҳукми ижро этилгани, улар орасида шиа уламоси Нимр ан-Нимр ҳам бўлгани ҳақида хабар берилганди.
Изоҳ (0)