Tojikiston parlamenti Konstitutsiyaga o‘zgartirishlar kiritish to‘g‘risidagi qonun loyihasini qabul qildi, ular mamlakatning amaldagi prezidenti Emomali Rahmonga cheklanmagan marta saylanish huquqini beradi, deb yozadi “RIA Novosti”.
Shuningdek, Konstitutsiyaga kiritiladigan tuzatishlar mamlakat prezidentligiga nomzodlar yoshini 35 dan 30 gacha tushirishni ko‘zda tutadi.
Tuzatishlarga ko‘ra, Adliya kengashi tugatiladi. Asosiy qonun endi faqat Konstitutsiya deb ataladi. O‘zgartishlar diniy xususiyatga ega siyosiy partiyalar tuzishni taqiqlaydi.
Parlament quyi palatasi loyihani Konstitutsiyaviy sudga yo‘naltirdi, shundan so‘ng ushbu o‘zgartirishlarni qabul qilish bo‘yicha umumxalq referendumini o‘tkazish sanasi aniqlanadi.
Izoh (0)