Dunyo bozorida neft narxining tushib ketishi Kolumbiya va Venesuelani neftni o‘z tannarxidan arzonroq sotishga majbur qilmoqda. Bu haqda Reuters ushbu mamlakatlardagi uchta neft kompaniyasidagi manbalariga tayanib xabar berdi, deb yozadi “Vedomosti”.
Yirik neft ishlab chiqaruvchisi bo‘lgan Ekvador prezidenti Rafael Korrea ham yaqinda mamlakat neftni uning tannarxi — bir barrel uchun 24 dollardan arzonroq qiymatda sotishiga to‘g‘ri kelayotganini aytgan edi. Bu vaziyatda u byudjet xarajatlarini qisqartirish zarurligini ta’kidladi.
Venesuelaning Diluted Crude Oil (DCO) nefti ham zarariga sotilmoqda, ayni paytda uning narxi bir barrel uchun 15 dollarni tashkil qiladi. Kolumbiyaning Vasconia nefti esa barreliga 21 dollardan sotilmoqda.
Izoh (0)