Janubiy Koreya prezidenti Pak Kin Xe Shimoliy Koreya yadro dasturi bo‘yicha olti tomonlama muzokaralardan KXDRni chiqarib tashlashni taklif etdi. Bu haqda “Interfaks” xabar bermoqda.
“Ilgarilari olti tomonlama muzokaralar Shimoliy Koreya yadro dasturi muammosini muloqot yo‘li bilan yechish uchun zamin sifatida foydali edi. Endi ular tiklangan taqdirda ham mazkur jarayondan KXDRni chiqarib tashlash va besh tomonlama muzokaralar o‘tkazishga harakat qilish lozim”, — deya ta’kidlagan Pak Kin Xe.
Ma’lumot uchun, ikki Koreya, Xitoy, Rossiya, AQSh va Yaponiya ishtirok etayotgan olti tomonlama muzokaralar 2003-yilda boshlangan bo‘lib, hozirgacha ularning olti raundi o‘tkazilgan. 2005-yili bo‘lib o‘tgan to‘rtinchi raundda iqtisodiy ko‘mak evaziga KXDR yadro dasturidan voz kechishi tamoyillari bo‘yicha qo‘shma bayonot imzolangandi.
Izoh (0)