Pokiston shimoli-g‘arbidagi Charsadda shahrida joylashgan universitetga uyushtirilgan qurolli hujum natijasida kamida uch kishi halok bo‘lgan, ellikdan ortiq odam tan jarohati olgan. Bu haqda “RIA Novosti” xabar bermoqda.
Pokiston nashrlari tomonidan tarqatilgan xabarlarga ko‘ra, otishmalar vaqtida universitetga bostirib kirganlardan ikki nafari yo‘q qilingan. Daily Pakistan nashri xabariga ko‘ra, jarohatlanganlardan to‘qqiz nafarining ahvoli og‘ir.
Universitetga necha kishi hujum qilgani haqida aniq ma’lumot yo‘q. Avvalroq hujum qilganganlar soni to‘rt nafar ekani haqida xabar berilgan edi, biroq politsiya ma’lumotlariga ko‘ra, ularning soni 6—8 nafar bo‘lishi mumkin. Otishmalar davom etmoqda, favqulodda holat yuz bergan joyda harbiy vertolyot paydo bo‘lgan.
Avvalroq hujum vaqtida universitet hududida 3 ming kishi bo‘lgani, kampuslar va yotoqxonalardagi barcha odamlar xavfsiz joyga ko‘chirilgani haqida xabar berilgan edi. Guvohlardan birining Daily Pakistan nashriga ma’lum qilishicha, hujum vaqtida kimyo kafedrasi professori halok bo‘lgan, yuzlab talabalar hali ham universitet hududida qolmoqda.
Izoh (0)