Hindiston tomonidan uchirilgan IRNSS-1E navigatsiya sun’iy yo‘ldoshi orbitaga muvaffaqiyatli chiqarildi. Bu haqda mamlakat koinot tadqiqotlari tashkiloti rasmiy axborotida ma’lum qilingan, deya xabar beradi “TASS”.
Bortida sun’iy yo‘ldosh bo‘lgan PSLV-C31 raketa tashuvchisi Andxra-Pradesh shtatidagi Shrixarikota orolida joylashgan kosmodromdan parvoz qildi. Sun’iy yo‘ldosh Hindistonga o‘zining mintaqaviy navigatsiya sun’iy yo‘ldosh tizimini (Indian Regional Navigation Satellite System, IRNSS) yaratish imkonini beruvchi yetti qurilmadan beshinchisi bo‘ldi.
Tizim ustidagi ishlar 2016-yilda, qurilmalarning barchasi orbitaga chiqarib bo‘linganidan yakunlanishi ko‘zda tutilgan.
Izoh (0)