AQSh sobiq davlat kotibi Hillari Klinton AQSh prezidentligiga da’vogarlik qilayotgan demokratlar debatlari chog‘ida Rossiya bilan munosabatlarni yangidan boshlashni istisno qilmadi, biroq bu AQSh bundan qanday manfaat ko‘rishiga bog‘liq bo‘ladi, deb yozadi “Gazeta.ru”.
Klintondan 2009-yilda bo‘lgani kabi, Rossiya va AQSh o‘rtasidagi aloqalarda “qaytadan yuklash” tugmasini bosishga tayyor yoki yo‘qligi haqida so‘rashdi. “Bu men bundan qanday manfaat ko‘rishimga bog‘liq”, — deya javob qildi sobiq davlat kotibi.
Klinton eslatishicha, o‘shanda AQSh Rossiyaning Afg‘onistonga harbiy yuklarni Rossiya orqali olib o‘tish uchun rusxat berishiga, yadro qurolini cheklash haqida shartnoma imzolashiga, shuningdek, Eronga nisbatan sanksiyalar bo‘yicha rozilik berishiga erishgan edi.
O‘zining Putin bilan aloqalarini Hillari Klinton “qiziqarli” deb atadi. Uning aytishicha, bu doimiy ravishda o‘z fikri va manfaatlarini himoya qilib turish zarur bo‘lgan “ishga aloqador murakkab munosabatlar” bo‘lgan.
Izoh (0)