Gaiti sog‘liqni saqlash vaziri Florans Dyuperval Giyom mamlakatda Zika bezgagi tarqalganini tasdiqladi. Jumladan, Delmas munitsipiyasida bitta, Petionvilda to‘rtta holat qayd etilgan, deya xabar beradi “TASS”.
Aedes Aegypti chivini orqali yuqadigan infeksiya o‘ta xavfli bo‘lib, shifokorga vaqtida murojaat etilganda o‘limga olib kelmasligi mumkin. Gaiti Panamerika sog‘liqni saqlash tashkiloti Zika bezgagi mavjudligini tasdiqlagan 14-mamlakat bo‘ldi. Bungacha virus Braziliya, Kolumbiya, Salvador, Gvatemala, Fransuz Gvianasi, Gonduras, Martinika, Meksika, Panama, Puerto-Riko, Paragvay, Surinam va Venesuelada aniqlangandi.
Izoh (0)