АҚШ собиқ давлат котиби Ҳиллари Клинтон АҚШ президентлигига даъвогарлик қилаётган демократлар дебатлари чоғида Россия билан муносабатларни янгидан бошлашни истисно қилмади, бироқ бу АҚШ бундан қандай манфаат кўришига боғлиқ бўлади, деб ёзади «Газета.ru».
Клинтондан 2009 йилда бўлгани каби, Россия ва АҚШ ўртасидаги алоқаларда «қайтадан юклаш» тугмасини босишга тайёр ёки йўқлиги ҳақида сўрашди. «Бу мен бундан қандай манфаат кўришимга боғлиқ», — дея жавоб қилди собиқ давлат котиби.
Клинтон эслатишича, ўшанда АҚШ Россиянинг Афғонистонга ҳарбий юкларни Россия орқали олиб ўтиш учун русхат беришига, ядро қуролини чеклаш ҳақида шартнома имзолашига, шунингдек, Эронга нисбатан санкциялар бўйича розилик беришига эришган эди.
Ўзининг Путин билан алоқаларини Ҳиллари Клинтон «қизиқарли» деб атади. Унинг айтишича, бу доимий равишда ўз фикри ва манфаатларини ҳимоя қилиб туриш зарур бўлган «ишга алоқадор мураккаб муносабатлар» бўлган.
Изоҳ (0)