Tim Kuk Oq uy ma’muriyati vakillarini shifr kalitlariga ega bo‘lish istagi uchun tanqid ostiga oldi

Apple rahbari Tim Kuk Oq uyda bo‘lib o‘tgan xavfsizlik masalalariga bag‘ishlangan uchrashuvda Barak Obama ma’muriyatini ommaviy kommunikatsiya xizmatlari shifrlariga kalitlarni qo‘lga kiritish istagi uchun tanqid ostiga oldi. Bu haqda Tj xabar bermoqda.

Prezident ma’muriyati va turli maxfiy xizmatlar vakillari ishtirok etgan uchrashuvda Tim Kuk ularni shifrlash masalasida qat’iyatsizlikda aybladi va mansabdorlarni buzib bo‘lmaydigan shifrlardan foydalanishni qo‘llab-quvvatlashga chaqirdi. Kukning aytishicha, Oq uy dasturlarda hech qanday “bekdor”lar — huquq-tartibot idoralari uchun tuynuklar bo‘lmasligini oshkor e’lon qilishi lozim. Biroq AQSh bosh prokurori bunga qarshi chiqdi va shaxsiy ma’lumotlar hamda milliy xavfsizlik o‘rtasida muvozanatni saqlash lozimligini bildirdi.

Terrorizmga qarshi kurash choralariga bag‘ishlangan uchrashuvda Google, Facebook, Cloudflare, Microsoft, LinkedIn, Dropbox va Twitter kabi IT-kompaniyalar vakillari ham ishtirok etdi.