Eronning arab mamlakatlari ishiga aralashishi mintaqaviy xavfsizlikka tahdid qiladi. Bu haqda 10-yanvar, yakshanba kuni Qohirada boshlangan Arab davlatlari ligasining favqulodda yig‘ilishi chog‘ida Saudiya Arabistoni tashqi ishlar vaziri Odil al-Jubayr ma’lum qildi, deya xabar beradi “TASS”.
“Eronning aralashuvi barcha xalqaro konvensiyalar va me’yorlarning ochiq-oshkor buzilishidan boshqa narsa emas. Saudiya Arabistoni bu xurujga qat’iy va jiddiy qarshi turadi hamda Ligani Tehronga nisbatan aniq mavqeni egallashga chaqiradi”, — deya ta’kidlagan al-Jubayr.
Liga bosh kotibi Nabil al-Arabiy “mintaqaviy hamjamiyat Eron fitnalarini qoralashini” ma’lum qildi va Saudiya Arabistoni diplomatik vakolatxonalariga uyushtirilgan hujum uchun to‘liq javobgarlikni Eron rasmiylari zimmasiga yukladi.
Izoh (0)