Buyuk Britaniya bosh vaziri Devid Kemeron mamlakat aholisi bo‘lajak saylovlarda Yevropa Ittifoqi tarkibidan chiqishga ovoz berishsa ham o‘z lavozimidan iste’fo bermoqchi emasligini ma’lum qildi, deb xabar beradi “TASS”.
“Yakunda Buyuk Britaniyaning YeIga a’zoligi to‘xtatilsa ham men bosh vazir bo‘lib qolaveraman”, — dedi Kemeron. Britaniyalik yetakchining so‘zlariga ko‘ra, uning siyosiy kelajagi bo‘lajak referendum natijalariga emas, balki ovoz berishni tashkillashtirish qobiliyatiga bog‘liq.
Buyuk Britaniyaning YeIdan chiqishi masalasidagi referendum 2017-yil oxirigacha o‘tkazilishi kerak.
Eslatib o‘tamiz, oldinroq Britaniya rasmiylari mamlakat Yevroittifoqda qolishi shartlarini ma’lum qilgan edi.
Izoh (0)