Qrimning Bog‘chasaroy tumanida noyob Kumush oqimlar sharsharasi o‘pirilib tushdi. Bu haqda “RBK” xabar bermoqda.
Bu xabarni Qrim Ekologiya va tabiiy resurslar vazirligi xodimlari tasdiqladi. Sharsharaning bir qismi sovuq va suvning ta’siri tufayli qulab tushdi.
Qrim federal universitetining Geografiya fakulteti dotsenti Sergey Kiselyov sharshara o‘zining chiroyini butkul yo‘qotganini aytib o‘tdi. “Bu hodisaga faylasufona yondashish kerak, Kumush oqimlar ilgari ham o‘z tarixida bir necha marta o‘pirilgan. Ammo shuni aniq aytish mumkinki, sharsharaga o‘ziga xos chiroy berib turgan ko‘rinishi boshqa tiklanmaydi”, — dedi u.
Izoh (0)