Rolling Stone jurnalining elektron ko‘rinishida chop etilgan aktyor va rejissor Shon Penn bilan suhbati chog‘ida o‘tgan haftada qo‘lga olingan Meksikadagi “Sinaloa” narkokarteli rahbari, “Pakana” laqabli Xoakin Gusman dunyodagi eng qudratli narkobaron ekanligini e’tirof etdi. Bu haqda “TASS” xabar bermoqda.
“Dunyoda eng ko‘p geroin, metamfetamin, kokain, marixuanani o‘zim yetkazib beraman. Kema va suvosti kemalaridan iborat butun boshli flot, yuk mashinalari, samolyotlarga egalik qilaman”, — deya tan olgan Gusman.
Shuningdek, jinoyatchi o‘tgan yil iyulida Meksikadagi o‘ta qattiq tartibli “Altiplano” qamoqxonasidan qochishiga oid ayrim tafsilotlar bilan o‘rtoqlashgan. Uning aytishicha, kamerasidan qochishi uchun hozirlangan 1,5 kilometrli tunnel qazishga kartel yerosti ishlarini amalga oshirish uchun Germaniyada maxsus tayyorgarlikdan o‘tgan muhandislarni yollagan.
Izoh (0)