Turkiya TIV dunyoning 89 mamlakati, jumladan, O‘zbekistonga nisbatan viza tartibi joriy etilishi haqidagi ovozalarni rad etdi

Turkiya tashqi ishlar vazirligi dunyoning 89 mamlakatiga nisbatan viza tartibi joriy etilishi haqidagi ma’lumotlarni rad etdi. Bu haqda TRT xabar bermoqda.

Turkiya TIV bayonotida Yevroittifoq viza olinishini talab etayotgan davlatlarga nisbatan 1-iyundan boshlab shunday tartib o‘rnatilishi haqidagi da’volar haqiqatga to‘g‘ri kelmasligi ta’kidlangan. YeI bilan Shengen hududidagi mamlakatlarga vizasiz safarlarni ta’minlash yuzasidan muzokaralar davom etmoqda. Uchinchi mamlakatlarga nisbatan viza siyosati esa YeIga to‘laqonli a’zo davlatlar majburiyati sanaladi.

Eslatib o‘tamiz, oldinroq 2016-yil iyunidan boshlab, Turkiya dunyoning 89 mamlakati, jumladan, O‘zbekiston bilan viza tartibini o‘rnatishi haqida xabar berilgandi.