Pxenyan dunyoning KXDR tomonidan o‘tkazilgan vodorod bombasi sinoviga munosabatini tomonlarni urush yoqasiga keltirib qo‘yishga urinish deb atadi, deya xabar bermoqda “Korrespondent.net”.
“Vodorod bombamizning muvaffaqiyatli tarzda sinovdan o‘tkazilganiga hasad qilib, AQSh va uning izdoshlari vaziyatni urush yoqasiga keltirishga urinmoqda: ular psixologik radioeshittirishlarni yangilaganini aytmoqda va strategik bombardimonlarni amalga oshirmoqda”, — dedi KXDR Mehnat partiyasi targ‘ibot bo‘limi boshlig‘i Pxenyandagi mitingda.
Shimoliy Koreya OAVlari ushbu miting suratlarini e’lon qildi, ularda minglab kishilar Kim Chen Inni plakatlar bilan uning tug‘ilgan kuni — 8-yanvar munosabati bilan olqishlayotgani aks etgan.
Eslatib o‘tamiz, 6-yanvar kuni Shimoliy Koreya markaziy televideniyesi KXDR mamlakat shimoli-sharqida vodorod bombasini muvaffaqiyatli tarzda sinovdan o‘tkazganini xabar qildi.
8-yanvar kuni esa Shimoliy Koreya Seulning targ‘ibot eshittirishlarini qaytadan boshlaganligiga javoban Janubiy Koreya bilan chegarada ovoz kuchaytirgichlar orqali eshittirishlarni yana yo‘lga qo‘ydi.
Izoh (0)