Britaniya hukumat aloqalari markazi radioelektron josuslik sohasida “dushmanlik kayfiyatidagi” davlatlar va terrorchilik tashkilotlari tomonidan o‘sib borayotgan xavflarga qarshi kurashish uchun minglab xodimlarni maxfiy ravishda ishga yollamoqda. Bu haqda tashkilotdagi manbalariga tayanib The Times gazetasi xabar berdi, deb yozadi “TASS”.
Nashr yozishicha, hukumatning o‘tgan yilgi ma’ruzasiga ko‘ra, Britaniya maxsus xizmati xodimlari soni 5,7 ming kishini tashkil etadi. Shunga qaramay, hukumat aloqalari markazi “kompleks xavflar” bilan kurash uchun “qo‘shimcha bir necha ming” kishini ishga olgan. Bu ayni paytda, ayniqsa, AQSh maxsus xizmatlari sobiq xodimi Edvard Snouden tomonidan “ko‘plab maxfiy texnologiyalar” fosh qilinayotgan bir paytda ko‘proq inson resurslarini talab qiladi.
Britaniyaning hukumat aloqalari markazi va AQShning milliy xavfsizlik agentligi Ikkinchi jahon urushi davrlaridan buyon faol hamkorlik qiladi va axborot almashadi. 2013-yilda “Snouden dosyesi” chop etilgach, Britaniya va Amerika maxsus xizmatlari birgalikda o‘nlab mamlakatlarda yuz millionlab kishilarni, jumladan prezidentlar va yetakchi siyosatchilarni kuzatgani ma’lum bo‘lgan edi.
Izoh (0)