Yaponiyaning Xokkaydo orolidagi Kami-Sirataki temiryo‘l stansiyasi bir yo‘lovchi uchun ishlamoqda. Bu haqda Meduza xabar berdi.
Yaponiya temiryo‘llari rahbariyati uch yil avval uzoq va ommalashmagan yo‘nalish bo‘ylab harakatni to‘xtatish haqida qaror qabul qilgandi. Biroq Kami-Sirataki stansiyasida o‘quvchi qiz istiqomat qilishi ma’lum bo‘lganidan so‘ng, temiryo‘lchilar poyezdlar harakatini qisman tiklashga qaror qilgan.
Bu stansiyada poyezdlar kuniga ikki marta har xil vaqtda — o‘quvchi qizning darslari qachon boshlanib, qachon tugashiga qarab to‘xtaydi.
2016-yil martida qiz maktabni bitiradi. Shundan so‘ng mazkur yo‘nalish bo‘ylab poyezdlar harakati butkul to‘xtatiladi.
“Necha yillardan beri poyezdlar bu stansiyada faqat shu o‘quvchi qizni deb to‘xtagan. Yaponiya temiryo‘llari rahbariyati, o‘quvchi qiz maktabni tugatmagunicha, stansiya faoliyatini to‘xtatmaslikka qaror qildi”, — deyiladi CCTV News’ning Facebook’dagi sahifasida qoldirilgan xabarda.
Izoh (0)