Tataristonning (Rossiya) eski Kuvak qishlog‘ida ro‘y bergan yong‘inda jami olti kishi — besh nafar bola va ularning onasi nobud bo‘ldi. Oila boshlig‘i qattiq kuyish jarohatlari bilan kasalxonaga yotqizilgan, yana bir bola yong‘in chog‘i qarindoshlarinikida bo‘lgan. Bu haqda “Gazeta.ru” xabar bermoqda.
O‘t o‘chiruvchilar hodisadan 11 daqiqa o‘tib yong‘in joyiga yetib keladi, biroq bu paytda yog‘ochdan qurilgan uyni olov qurshab bo‘lgandi. Falokatda omon qolgan erkak mast holatda bo‘lgani, uy o‘tin bilan isitilgani, shuningdek, qo‘lbola elektr isitgichlaridan foydalanilgani aytilmoqda. Yong‘inga aynan nima sabab bo‘lganiga aniqlik kiritilmoqda.
Izoh (0)