Пхеньян дунёнинг КХДР томонидан ўтказилган водород бомбаси синовига муносабатини томонларни уруш ёқасига келтириб қўйишга уриниш деб атади, дея хабар бермоқда «Корреспондент.net».
«Водород бомбамизнинг муваффақиятли тарзда синовдан ўтказилганига ҳасад қилиб, АҚШ ва унинг издошлари вазиятни уруш ёқасига келтиришга уринмоқда: улар психологик радиоэшиттиришларни янгилаганини айтмоқда ва стратегик бомбардимонларни амалга оширмоқда», — деди КХДР Меҳнат партияси тарғибот бўлими бошлиғи Пхеньяндаги митингда.
Шимолий Корея ОАВлари ушбу митинг суратларини эълон қилди, уларда минглаб кишилар Ким Чен Инни плакатлар билан унинг туғилган куни — 8 январь муносабати билан олқишлаётгани акс этган.
Эслатиб ўтамиз, 6 январь куни Шимолий Корея марказий телевидениеси КХДР мамлакат шимоли-шарқида водород бомбасини муваффақиятли тарзда синовдан ўтказганини хабар қилди.
8 январь куни эса Шимолий Корея Сеулнинг тарғибот эшиттиришларини қайтадан бошлаганлигига жавобан Жанубий Корея билан чегарада овоз кучайтиргичлар орқали эшиттиришларни яна йўлга қўйди.
Изоҳ (0)