Turkiya prezidenti Rajab Toyyib Erdo‘g‘on shia ulamosi Nimr an-Nimr qatl etilishini “Saudiya Arabistonining ichki ishi” deb atadi. Bu haqda u Anqarada mahalliy hokimiyat vakillari bilan uchrashuvi chog‘ida ma’lum qilgan, deya xabar beradi “TASS”.
“Qatl etishlar Saudiya Arabistonining ichki ishlariga kiradi”, — deya ta’kidlagan Erdo‘g‘on. Shu bilan birga, 4-yanvar, dushanba kuni Turkiya hukumatining rasmiy vakili ulamo qatl etilishini qoralab chiqqan edi.
Eslatib o‘tamiz, oldinroq Turkiya prezidentining Saudiya Arabistoniga tashrifi davomida ikki mamlakat o‘rtasida strategik hamkorlik kengashi tuzish to‘g‘risida kelishuvga erishilgani haqida xabar berilgandi.
Izoh (0)