Hindiston shimoli-sharqida yuz bergan kuchli zilzila oqibatida uy-joyi zarar ko‘rgan yoki buzilgan ikki mingga yaqin kishiga mamlakat hukumati moliyaviy yordam ko‘rsatmoqda. Bu haqda Associated Press bergan ma’lumotlarga asosan “RIA Novosti” xabar qilmoqda.
Hozircha Impxal shahri tevaragida uy-joyi vayron bo‘lgan yoki zarar ko‘rgan aholi qarindoshlarining uyida istiqomat qilmoqda. Hukumat yetkazilgan zarar ko‘lamini aniqlashtirmoqda.
AQSh Geologik xizmatining ma’lum qilishicha, 6,7 magnitudali zilzila 4-yanvar, dushanba kuni Hindiston shimoli-sharqidagi Manipur shtatining Myanma bilan chegaradosh bo‘lgan hududida sodir bo‘ldi. Zilzila markazi Impxal shahridan 29 kilometr uzoqlikda joylashdi.
Oldinroq zilzila natijasida qurbon bo‘lganlar soni 11 kishiga yetgani xabar qilingandi.
Izoh (0)