Ҳиндистон шимоли-шарқида юз берган кучли зилзила оқибатида уй-жойи зарар кўрган ёки бузилган икки мингга яқин кишига мамлакат ҳукумати молиявий ёрдам кўрсатмоқда. Бу ҳақда Associated Press берган маълумотларга асосан «РИА Новости» хабар қилмоқда.
Ҳозирча Импхал шаҳри теварагида уй-жойи вайрон бўлган ёки зарар кўрган аҳоли қариндошларининг уйида истиқомат қилмоқда. Ҳукумат етказилган зарар кўламини аниқлаштирмоқда.
АҚШ Геологик хизматининг маълум қилишича, 6,7 магнитудали зилзила 4 январь, душанба куни Ҳиндистон шимоли-шарқидаги Манипур штатининг Мьянма билан чегарадош бўлган ҳудудида содир бўлди. Зилзила маркази Импхал шаҳридан 29 километр узоқликда жойлашди.
Олдинроқ зилзила натижасида қурбон бўлганлар сони 11 кишига етгани хабар қилинганди.
Изоҳ (0)