2015-yil boshidan beri Yevropaga dengiz orqali bir milliondan ziyod muhojir kelgan. Bu haqda BMTning qochoqlar ishi bo‘yicha agentligi ma’lum qildi, deya xabar bermoqda “Interfaks”.
Muhojirlarning 80 foizdan ziyodi Gretsiya orqali kirib kelgan. Ulardan 844 mingi ushbu mamlakatga Turkiya orqali o‘tgan. 150 ming kishi Liviyadan O‘rtayer dengizi orqali Italiyaga kelgan.
Yevropaga dengiz yo‘li bilan kirib kelayotgan qochoqlar soni o‘tgan yilga nisbatan keskin ko‘paygani qayd etilmoqda: 2014-yilda ularning soni 216 mingni tashkil etgandi.
BMT ma’lumotlariga ko‘ra, muhojirlarning taxminan 49 foizi suriyaliklar, 21 foizi esa afg‘onlardir. Dengizdan o‘tish chog‘ida qochoqlarning 3700 nafardan ziyodi nobud bo‘lgan.
Izoh (0)