Мурманск вилояти губернатори Марина Ковтун янглишиб, 2014 йил августида олинган Оленогорскдаги махфий ҳарбий аэродром суратини эълон қилиб юборди. Бу ҳақда «Газета.ru» хабар бермоқда.
Губернатор фотосуратни Twitter’да, Россия узоқ масофага учувчи авиацияси куни билан табрик остига жойлаштирган. Бир неча дақиқадан сўнг аэродром ва ундаги самолётлар фотоси жойлаштирилган твит ижтимоий тармоқдан олиб ташланди. Ҳарбий манбаларнинг таъкидлашича, губернатор омма учун мўлжалланмаган, рухсат берилмаган суратни чоп этган бўлиши мумкин.
Мурманск ҳукумати матбуот хизмати раҳбари Дмитрий Ишенконинг айтишича, фото тегишли махфий хизматлар рухсати билан олинган. Унинг Twitter’дан йўқолиши эса техник муаммолар билан боғлиқ.
Оленегорскдаги аэродром Россия ҳарбий-коинот кучлари томонидан ИШИД марраларига зарба бериш учун фойдаланилади.
Изоҳ (0)