Yevropa Ittifoqi Kengashining Rossiyaga nisbatan iqtisodiy sanksiyalar muddatini 2016-yil 31-dekabrigacha uzaytirish qarori kuchga kirdi, deya xabar bermoqda “TASS”.
YeI rasmiy jurnalida chop etilgan hujjat matnida aytilishicha, sanksiyalar rejimini navbatdagi qayta baholash ushbu sanagacha amalga oshiriladi, bunda Minsk kelishuvlarining qay darajada bajarilgani hisobga olinadi.
“2015-yil 18-martda Yevropa Kengashi sanksiyalar muddati bevosita Minsk kelishuvlari to‘liq bajarilishi bilan bog‘liq bo‘lishi haqida qaror qabul qilgan edi”, — deyiladi hujjatda.
“Minsk kelishuvlari 2016-yil 31-yanvargacha to‘liq amalga oshirilmasligi tufayli, sanksiyalarning amal qilish muddati uzaytirildi, Kengash esa kelishuvning amalga oshirilish jarayonini kuzatishda davom etadi. Ushbu qaror chop etilgan vaqtidan boshlab kuchga kiradi”, — deya aniqlik kiritiladi unda.
Izoh (0)