Shimoliy Koreyaning “Moranbon” ayollar ansamblining Pekinga gastrol safari konsert boshlanishidan bir necha soat avval bekor qilindi. Bunga Xitoy raisi Si Szinpin guruhning chiqishi chog‘ida Shimoliy Koreya raketasining otilishi aks etgan kadrlar namoyish etiladigan bo‘lsa, zalda o‘tirmasligini aytgani sabab bo‘ldi. Bu haqda yuqori mansabli hukumat amaldoriga tayanib, Janubiy Koreyaning “Choson Ilbo” gazetasi xabar berdi, deb yozadi “RIA Novosti”.
Ansambl Xitoyda birinchi marta konsert berish uchun 10-dekabr kuni yetib kelgan edi. Repetitsiyada shu narsa ma’lum bo‘ldiki, konsert chog‘ida sahnadagi ekranda Shimoliy Koreya raketasi uchirilishi aks etadi. Xitoy tomoni ushbu kadrlarni olib tashlashni so‘radi, biroq ularga rad javobini berishdi.
KXDR bilan munosabatlar iliqlashayotgani belgisi sifatida konsertni tomosha qilishga kelmoqchi bo‘lgan Si Szinpin rad javobidan so‘ng unda qatnasha olmasligini bildirdi. Norozilik sifatida gastrol bekor qilindi va ansambl KXDRga qaytib ketdi.
Shimoliy Koreya OAVlari ushbu hodisa haqida hozircha hech narsa yozgani yo‘q.
Izoh (0)