Ukraina va Gruziyada Gruziya sobiq prezidenti, hozirda esa Odessa viloyati gubernatori Mixail Saakashvili tasviri tushirilgan tangalar chiqarila boshladi, deya xabar bermoqda “Korrespondent.net”.
3-dekabr kuni tangalar savdosi boshlandi va ushbu esdalik sovg‘asini buyurtma qilish mumkin bo‘lgan sayt ishga tushdi.
Xaridorlarga old yuzasiga Saakashvilining portreti, orqasiga Gruziya va Ukrainani birlashtiruvchi Qora dengiz silueti tushirilgan mis qotishmasi, nikeldan ishlangan, tilla suvi yugurtirilgan, kumush yoki oltin tangalar taklif qilinmoqda.
Tangalar narxi 850 grivnadan 35 ming grivnagacha.
Eslatib o‘tamiz, avvalroq Ukraina fuqarosi Mixail Saakashvilini Gruziya fuqaroligidan mahrum qilish jarayoni boshlangani xabar berilgan edi.
Izoh (0)