Mashhur paleontolog Stiven Bryusatt tomonidan Skay oroli sohillari yaqinidagi suv tubida topilgan yuzlab oyoq izlari ― Shotlandiya hududida bir vaqtlar sayoz suv sathida sayr qilib yurgan yirik dinozavrlar yashaganligini tasdiqlaydi. Bu haqda Scottish Journal of Geology xabar beradi.
Izlar taxminan 170 million yil oldin (Yura davrida) qoldirilgan bo‘lib, ular suvning sathi pasayganda namoyon bo‘ladigan ohaktosh va qumtoshda saqlanib qolgan. Bu Shotlandiya hududidagi zauropodlarning (diplodok va braxiozavr turiga mansub yirik o‘txo‘r dinozavrlar) birinchi izlari bo‘lib, ular janub tomonda yashagan va tektonik plitalarning siljishi oqibatida Skay oroliga kelib qolgan.
Dinozavrlar suv ortga chekinib, sathi pasayganda ham ancha chuqur bo‘lgan joyda iz qoldirgan. Olimlar zauropodlar bu kabi yerlarda dengiz o‘tlarini tanovul qilgan, yirtqichlardan yashiringan yoki issiq havodan jon saqlagan bo‘lishi mumkinligi haqidagi taxminlarni ilgari surmoqda.
Izoh (0)