AQShning Nyu-Jersi shtatida maktab avtobusi va yengil avtomobil to‘qnashuvi oqibatida kamida ikki kishi halok bo‘ldi va to‘qqiz kishi jarohatlandi. Bu haqda “RIA Novosti” xabar bermoqda.
Hodisa 1-dekabr, seshanba kuni Berlington okrugida ro‘y berdi. Politsiya ma’lumotlariga ko‘ra, yengil avtomobil suzish bo‘yicha o‘quvchilar jamoasini olib ketayotgan avtobusga kelib urilgan. Mashinada bo‘lgan ikki kishi voqea joyida hayotdan ko‘z yumgan, avtobusdagi to‘qqiz kishi (ulardan sakkiz nafari o‘quvchi bo‘lgan) yengil jarohat olgan. Barcha jabrlanganlar mahalliy kasalxonaga yotqizilgan.
Politsiya hodisa sabablarini o‘rganmoqda.
Izoh (0)