1944-yilda Osvensim konslagerida sanitar bo‘lib ishlagan Meklenburg-Old Pomeraniya o‘lkasining 95 yoshli fuqarosi oxir-oqibat sudlanadigan bo‘ldi, deya xabar bermoqda “Korrespondent.net”. U Osvensimning 3600 dan oshiq mahbuslarini o‘ldirishda sheriklik qilganlikda ayblanmoqda.
2015-yil iyunida Noyyerbrandenburg okrug sudi ayblanuvchiga nisbatan sud jarayoni o‘tkazishdan bosh tortgan edi. Sud ma’lumotlariga ko‘ra, o‘sha vaqtda 94 yoshda bo‘lgan qariya keksalik tufayli yuzaga kelgan aqli zaiflikdan azob chekkan, bu turli kognitiv buzilishlarga olib kelgan. Ekspertlar uning salomatligi yomonlashib borayotgani tufayli, sudlanuvchi jarayonda qatnasha olmaydi, deb topgan edi.
Ushbu qarorga keyinroq Shverin prokuraturasi tomonidan norozilik bildirildi, uni jarayonda qatnashishga cheklangan darajada yaroqli deb topish zarurligini ta’kidlashdi. O‘lka oliy sudi sud ishi qariyaning sog‘lig‘iga ziyon yetkazmaydi, deb hisoblamoqda.
Natsistik jinoyatga aloqadorlikda gumon qilinayotgan qariya aybini tan olsa, u uch yildan 15 yilgacha ozodlikdan mahrum etilishi mumkin.
Izoh (0)