Машҳур палеонтолог Стивен Брюсатт томонидан Скай ороли соҳиллари яқинидаги сув тубида топилган юзлаб оёқ излари ― Шотландия ҳудудида бир вақтлар саёз сув сатҳида сайр қилиб юрган йирик динозаврлар яшаганлигини тасдиқлайди. Бу ҳақда Scottish Journal of Geology хабар беради.
Излар тахминан 170 миллион йил олдин (Юра даврида) қолдирилган бўлиб, улар сувнинг сатҳи пасайганда намоён бўладиган оҳактош ва қумтошда сақланиб қолган. Бу Шотландия ҳудудидаги зауроподларнинг (диплодок ва брахиозавр турига мансуб йирик ўтхўр динозаврлар) биринчи излари бўлиб, улар жануб томонда яшаган ва тектоник плиталарнинг силжиши оқибатида Скай оролига келиб қолган.
Динозаврлар сув ортга чекиниб, сатҳи пасайганда ҳам анча чуқур бўлган жойда из қолдирган. Олимлар зауроподлар бу каби ерларда денгиз ўтларини тановул қилган, йиртқичлардан яширинган ёки иссиқ ҳаводан жон сақлаган бўлиши мумкинлиги ҳақидаги тахминларни илгари сурмоқда.
Изоҳ (0)