So‘nggi kunlarda bo‘lib o‘tgan ko‘plab yog‘ingarchiliklar oqibatida Malayziyaning g‘arbiy va shimoli-g‘arbiy hududlarida kuchli toshqinlar xavfi e’lon qilingan. Bu haqda “TASS” xabar bermoqda.
Xususan, tegishli ogohlantirishlar qirollikning 13 ta shtatidan 6 tasida, shu jumladan, 30-noyabr, dushanba kuni metropoliten yo‘nalishlaridan bir nechtasi suv ostida qolgan poytaxtda tarqatilgan. Kelantan shtatida mahalliy daryolardagi suvning sathi 10 metrgacha ko‘tarilib, xavfli nuqtadan bir metrga oshib ketdi.
Bundan tashqari, ayrim aholi punktlarida, ayniqsa qishloq hududlarida aholini evakuatsiya qilish ishlari boshlangan. Bir necha yuz kishi xavfsiz joylarga ko‘chirildi.
2014-yilning oxirida, Malayziyaning ayrim hududlari so‘nggi 50 yil ichidagi eng kuchli suv toshqinlarini boshdan kechirdi. Tabiiy ofat tufayli taxminan o‘n kishi hayotdan ko‘z yumdi, 100 minglab odam o‘z uyini tashlab qochishga majbur bo‘lib, 800 million dollardan ortiq iqtisodiy zarar yetkazildi deb baholandi.
Izoh (0)