Qohira Moskvadan Turkiyadan Rossiyaga olib kirilishi taqiqlangan yoki cheklangan eksport mahsulotlari ro‘yxatini taqdim etishni so‘radi, u ularning o‘rnini Misr mahsulotlari bilan bosmoqchi. Bu haqda “Korrespondent.net” xabar berdi.
Turkiya eksportini qisman Misrniki bilan qoplash mavzusi Misr savdo va sanoat vaziri Tarek Kabil va uning rossiyalik hamkasbi Denis Manturovning BAAdagi uchrashuvida muhokama qilindi.
Misr meva va sabzavotlar, shuningdek, kiyim-kechak va teri yetkazib berishga qiziqish bildirdi. Misr vaziri mamlakatda ushbu mahsulotlarni eksport qilish uchun imkoniyatlar, shuningdek, “barcha zarur korxonalar” borligini ma’lum qildi.
Kabil o‘zining rossiyalik hamkasbiga rossiyalik importchilarning Misr korxonalariga tashrifini tashkil qilish uchun Turkiyadan eksport qilinadigan eng muhim mahsulotlar ro‘yxatini taqdim etishni so‘rab yuzlandi.
Izoh (0)