Ukraina bilan chegarani tasodifan kesib o‘tgan Rossiya IIV ichki qo‘shinlarining ikki nafar harbiy xizmatchisi rossiyalik chegarachilarga topshirildi. Bu haqda ichki qo‘shinlar matbuot xizmati rahbari Vasiliy Panchenkov ma’lum qildi, deya xabar beradi Meduza.
“Harbiy xizmatchilar poyezdda Krasnodar o‘lkasidagi o‘quv markaziga yo‘l olgan. Poyezd Rostov viloyatining ‘Chertkovo’ bekatida to‘xtaganida vagondan tushgan va Melovoye aholi punkti atrofida tasodifan Ukraina hududiga kirib qolgan. Ular atayin chegarani buzmagan, qurolsiz bo‘lgan va qo‘shni davlat hududida ekanligini bilmagan”, — deya ta’kidlagan Panchenkov.
Rossiyalik harbiy xizmatchilarga chegarani buzib o‘tganliklari uchun ma’muriy huquqbuzarlik to‘g‘risidagi sud qarori berilgan va rossiyalik chegarachilar qo‘liga topshirilgan.
Izoh (0)