Joriy yilning yozidan professional boksdagi faoliyatini boshlagan o‘zbekistonlik Sanjar Rahmonov uchinchi jangida ham g‘alabaga erishdi. Floyd Meyvezerga tegishli promouterlik kompaniyasi bilan shartnoma imzolagan iste’dodli bokschi bu galgi jangini ham AQShning Las-Vegas shahrida o‘tkazdi, deb xabar beradi “Olamsport”.
Amerikalik Martin Somnerga qarshi 6 raundik jangda ringga ko‘tarilgan Sanjar raqibini ikkinchi raunddayoq nokautga uchratdi. Bu Rahmonovning uchinchi jangidagi uchinchi g‘alabasi bo‘ldi. Nokautlar soni hozircha ikkitani tashkil etyapti.
Sanjar Rahmonov shu yilning o‘zida yana bitta jang o‘tkazishni maqsad qilgan. Floyd Meyvezer Rahmonovning professional bokslagi imkoniyatlarini yuqori baholayapti.
Izoh (0)