“Real” prezidenti Florentino Peres maxsus matbuot anjumani tashkil qildi va direktorlar kengashining yig‘ilishi natijasini e’lon qildi, deb xabar beradi “Stadion.uz”.
“Biz ‘Real’ bosh murabbiyi Rafael Benitesni to‘liq qo‘llab-quvvatlaymiz. Biz unga ishonamiz. Men muxlislarning noroziligini tushunaman. Lekin biz hozir sovuqqonlik va jiddiylik bilan jipslashgan holda ishlashimiz kerak.
Ishqibozlardan jamoa va futbolchilarni qo‘llab-quvvatlashni so‘rayman. ‘Real’ ‘Barselona’ga qarshi o‘yinda juda yomon o‘ynadi. Lekin bu futbolchilar o‘z ishiga yomon munosabatda bo‘ldi, degani emas. Shu bilan birgalikda fanatlarning murojaatlariga hurmat bilan yondashaman. ‘Real’ning muxlislari eng talabchan ishqibozlardir.
O‘yinga tarkibni belgilash borasida murabbiy to‘la mustaqil. ‘Real’da ko‘plab murabbiylar ishlagan va ularning barchasi mustaqil ravishda tarkib tanlagan”, – deydi Peres.
Eslatib o‘tamiz, “El-Klasiko”dagi mag‘lubiyatdan keyin ispan OAVlarida “Real” rahbariyati Rafael Benitesga bo‘lgan ishonchini yo‘qotgani haqida xabarlar paydo bo‘lgandi.
Izoh (0)