Turkiya prezidenti Rajab Toyyib Erdo‘g‘on 24-noyabr, seshanba kuni bosh vazir Ahmet Davuto‘g‘li tomonidan taqdim etilgan mamlakatning 64-hukumati tarkibini tasdiqladi. Bu haqda “TASS” xabar bermoqda.
Hukumatdagi yangi qiyofalar safida moliya vaziri etib tayinlangan Nadji Oqbol va iqtisod vaziri Mustafo Elitoshni ko‘rish mumkin. Tashqi ishlar vazirligini boshqarish shu yil avgust oyida vaqtinchalik hukumat shakllanguncha mazkur lavozimni egallagan Mavlud Chavusho‘g‘liga topshirildi.
Hukumat vakolatga ega bo‘lishi uchun parlament tomonidan ma’qullanishi kerak. Bosh vazir yaqin kunlar mobaynida hukumat dasturini taqdim etadi, shundan so‘ng deputatlar yangi hukumatga ishonch bildirish bo‘yicha ovoz beradi.
Izoh (0)