Futbol bo‘yicha O‘zbekiston yoshlar (U-19) terma jamoasi Toshkentdagi “Jar” stadionida 16-noyabr, dushanba kuni Belarus U-19 terma jamoasiga qarshi ikkinchi nazorat uchrashuvini o‘tkazdi, deya xabar bermoqda O‘FF matbuot xizmati.
Dastlabki uchrashuvda Jasur Abduraimov qo‘l ostidagi O‘zbekiston termasi 1:0 hisobidagi g‘alaba qozongandi. Ikkinchi uchrashuv ham o‘zbekistonliklar g‘alabasi bilan yakun topdi. Bu safar O‘zbekiston raqibini 3:1 hisobida yengdi.
Uchrashuvning birinchi bo‘limida Behzod G‘anijonov hamda Doston Ibragimov raqib darvozasini bir martadan ishg‘ol qilgan bo‘lsa, ikkinchi taymda zaxiradan maydonga tushgan Suhrob Nurullayev uchinchi golga mualliflik qildi.
O‘zbekiston yoshlar terma jamoasi 2016-yili Bahraynda bo‘lib o‘tadigan yoshlar o‘rtasidagi Osiyo chempionati final bosqichiga tayyorlanmoqda.
Izoh (0)