Yaman sharqida joylashgan Marib provinsiyasidagi yo‘lda bomba portlashi natijasida mamlakat hukumatining 16 nafar askari halok bo‘ldi. Yana olti harbiy turli darajada tan jarohati oldi, deb xabar beradi “TASS”.
Reuters agentligining ma’lum qilishicha, askarlar armiya lageri atrofida patrullik qilayotgan edi. Hozircha hech kim ushbu hodisa uchun javobgarlikni o‘z bo‘yniga olgani yo‘q.
Saudiya Arabistoni boshchiligidagi arab koalitsiyasi va isyonchi xusiylar o‘rtasidagi kurashlar 2015-yilning 26-martidan buyon davom etmoqda. Ittifoqchilar mamlakat janubida muvaffaqiyatga erishmoqda, biroq shimoldagi aksariyat hududlar hali ham xusiylar nazorati ostida qolmoqda.
Izoh (0)