AQShning Missisipi shtatidagi restoranlardan birining avtomobillar turargohida kamida 12 ta mashina yer ostiga quladi. Bu haqda Dallas Morning News nashriga tayanib, “RIA Novosti” xabar bermoqda.
Hodisa Meridian shahrida sodir bo‘ldi. Guvohlarning aytishicha, oldin guvillagan tovushlar eshitilgan, so‘ng elektr o‘chgan va yo‘lning bir qismi o‘pirilib tushgan.
Nashrning yozishicha, hosil bo‘lgan jarlikning chuqurligi 4,5, uzunligi 120, kengligi 10 metr atrofida. O‘pirilish sabablari hozircha aniqlanmagan. Buning oqibatida hech kim jabrlanmagan. Hodisa sabablarini o‘rganish boshlandi.
Izoh (0)