Futbol bo‘yicha Nigeriya o‘smirlar termasi 5 karra jahon chempioniga aylandi

Nigeriya o‘smirlar terma jamoasi Chilida yakuniga yetgan jahon chempionati finalida qit’adoshi Malini 2:0 hisobida mag‘lub etdi, deb xabar beradi “Olamsport”.

Bu bilan nigeriyaliklar ketma-ket ikkinchi bor o‘smirlar o‘rtasidagi jahon chempioniga aylandi.

Umuman olganda, Nigeriya o‘smirlari hisobidagi jahon chempionlik unvoni beshtaga yetdi. “Superburgutlar” 1985, 1993, 2007, 2013, 2015-yillarda dunyoning tengsiz terma jamoasi bo‘lgan.

JCh—2015 (U-17). FinalMali – Nigeriya 0:2 (0:0)Gollar: 0:1 – 56 Osimxen, 0:2 – 59 Bamgboye.

Bronza medali uchun kechgan bahsda Belgiya o‘smirlar terma jamoasi Meksikani 3:2 hisobida mag‘lub etdi.

3-o‘rin uchun bahsBelgiya – Meksika 3:2 (0:0)Gollar: 1:0 – 54 Van Varenberg, 1:1 – 58, penalti Marin, 2:1 – 73 Vanzeyr, 2:2 – 88 Venegas, 3:2 – 90 Vanzeyr.