Germaniyaning Ekkental shahrida tennis bo‘yicha “Chellenjer” turkumiga kiruvchi, sovrin jamg‘armasi 35 ming yevrodan iborat bo‘lgan turnirning asosiy to‘r bahslarida o‘zbekistonlik Farrux Do‘stov ham ishtirok etayotgandi, deb xabar qiladi “Olamsport”.
O‘zbekistonning ikkinchi raketkasi juftliklar bahsida ikkinchi davraga yo‘llanma olgan edi. Afsuski, Farrux italiyalik sherigi Federiko Gayya bilan birga germaniyalik Filipp Petshneyr va belgiyalik Ruben Bemelmans juftligiga 2:6, 4:6 hisobida imkoniyatni boy berib qo‘ydi.
Eslatib o‘tamiz, Farrux Do‘stov yakkalikning ilk bosqichida Bosniya va Gersegovina vakili Mirza Basichga 1:6, 6:7 hisobida imkoniyatni boy berib qo‘ygandi.
Izoh (0)