Qoraqalpog‘iston Vazirlar Kengashi va O‘zbekiston viloyatlari hokimliklari huzurida suv ta’minoti va kanalizatsiya tashkilotlari bazasida 1-yanvarga qadar shahar va tumanlarda filiallari bo‘lgan “Suvoqava” davlat unitar korxonalari tuziladi. Bu haqda Vazirlar Mahkamasi qaroriga tayanib, “Gazeta.uz” xabar bermoqda.
Hujjatda “Suvoqava” tizimiga boshqaruvning zamonaviy uslublari, axborot-kommunikatsiya va energiya tejovchi texnologiyalarni, shuningdek, energiya manbalari va suv sarfini hisoblovchi uskunalar joriy qilinishi ko‘zda tutilgan.
2016-yilning ikkinchi choragigacha butun mamlakat bo‘yicha abonentlarni to‘liq inventarizatsiya qilish, shuningdek, hisob-kitoblarni tayyorlash va chiqarib berish jarayonini kompyuterlashtirish belgilandi.
2017-yil boshida ko‘rsatilayotgan xizmatlar uchun onlayn to‘lovni joriy qilish hamda hisob holatini kuzatish va xizmatlarga pul to‘lash uchun mobil dasturni ishga tushirish rejalashtirilgan.
Izoh (0)