Қорақалпоғистон Вазирлар Кенгаши ва Ўзбекистон вилоятлари ҳокимликлари ҳузурида сув таъминоти ва канализация ташкилотлари базасида 1 январга қадар шаҳар ва туманларда филиаллари бўлган «Сувоқава» давлат унитар корхоналари тузилади. Бу ҳақда Вазирлар Маҳкамаси қарорига таяниб, «Газета.uz» хабар бермоқда.
Ҳужжатда «Сувоқава» тизимига бошқарувнинг замонавий услублари, ахборот-коммуникация ва энергия тежовчи технологияларни, шунингдек, энергия манбалари ва сув сарфини ҳисобловчи ускуналар жорий қилиниши кўзда тутилган.
2016 йилнинг иккинчи чорагигача бутун мамлакат бўйича абонентларни тўлиқ инвентаризация қилиш, шунингдек, ҳисоб-китобларни тайёрлаш ва чиқариб бериш жараёнини компьютерлаштириш белгиланди.
2017 йил бошида кўрсатилаётган хизматлар учун онлайн тўловни жорий қилиш ҳамда ҳисоб ҳолатини кузатиш ва хизматларга пул тўлаш учун мобил дастурни ишга тушириш режалаштирилган.
Изоҳ (0)