2-noyabr, dushanba kuni Milliy matbuot markazida Prevenar 13 — pnevmokokkga qarshi vaksinaning amaliyotga joriy etilishiga bag‘ishlangan matbuot anjumani bo‘lib o‘tdi. Bu haqda O‘zbekiston Respublikasi Sog‘liqni saqlash vazirligi matbuot xizmati xabar berdi.
Profilaktik emlash milliy taqvimi doimiy ravishda kengaytirib borilmoqda. 2-noyabrdan boshlab davolash-profilaktika muassasalari emlash punktlarida bolalarni 2, 3 va 12 oylikda pnevmokokk infeksiyaga qarshi emlash boshlandi.
Mutaxassislar qayd etganidek, pnevmokokk infeksiyaga qarshi vaksina samarali va xavfsiz hisoblanib, mushak orasiga yuboriladi va 10 yildan kam bo‘lmagan muddatga faol immunitet hosil qiladi. JSST hamda Sog‘liqni saqlash vazirligi tomonidan vaksinaning xavfsizligi, yaroqliligi kafolatlangan.
Mazkur emlash bepul amalga oshiriladi.
Izoh (0)