Misrning Sinay yarimorolida qulagan Rossiyaning Airbus A321 layneri ekipaji a’zolari suratlari internetda paydo bo‘ldi. Bu haqda “Segodnya.ua” xabar bermoqda.
Ekipaj komandiri, 48 yoshli Valeriy Nemov umumiy 3682 soat parvoz qilgan bo‘lib, shuning 1100 soatida havo kemasiga komandirlik qilgan. Ikkinchi uchuvchi Sergey Truxachyov esa 5641 soat parvoz qilgan, 1300 soatni aynan Airbus A321 rusumidagi samolyotlarni boshqarish bilan o‘tkazgan.
Yo‘lovchilarga ekipajning besh a’zosi — katta bort kuzatuvchi Valentina Marsevich, styuardessa Irina Olaru, shuningdek, styuardlar Andrey Belomestnov, Stanislav Sviridov va Aleksey Filimonov xizmat ko‘rsatardi.
Metrojet aviakompaniyasining Airbus A321 layneri Sharm-ash-Shayxdan Sankt-Peterburg tomon havoga ko‘tarilganidan 23 daqiqa o‘tib radarlardan yo‘qoldi. Samolyot bortida 217 nafar yo‘lovchi bor edi.
Rossiya aviatsiyasi tarixidagi eng yirik deya atalayotgan mazkur aviahalokat oqibatida samolyot bortida bo‘lganlarning hech biri omon qolmadi. Hozirgi vaqtda hodisa yuzasidan tekshiruv ishlari olib borilmoqda.
Izoh (0)