Мисрнинг Синай яриморолида қулаган Россиянинг Airbus A321 лайнери экипажи аъзолари суратлари интернетда пайдо бўлди. Бу ҳақда «Сегодня.ua» хабар бермоқда.
Экипаж командири, 48 ёшли Валерий Немов умумий 3682 соат парвоз қилган бўлиб, шунинг 1100 соатида ҳаво кемасига командирлик қилган. Иккинчи учувчи Сергей Трухачёв эса 5641 соат парвоз қилган, 1300 соатни айнан Airbus A321 русумидаги самолётларни бошқариш билан ўтказган.
Йўловчиларга экипажнинг беш аъзоси — катта борт кузатувчи Валентина Марцевич, стюардесса Ирина Олару, шунингдек, стюардлар Андрей Беломестнов, Станислав Свиридов ва Алексей Филимонов хизмат кўрсатарди.
Metrojet авиакомпаниясининг Airbus A321 лайнери Шарм-аш-Шайхдан Санкт-Петербург томон ҳавога кўтарилганидан 23 дақиқа ўтиб радарлардан йўқолди. Самолёт бортида 217 нафар йўловчи бор эди.
Россия авиацияси тарихидаги энг йирик дея аталаётган мазкур авиаҳалокат оқибатида самолёт бортида бўлганларнинг ҳеч бири омон қолмади. Ҳозирги вақтда ҳодиса юзасидан текширув ишлари олиб борилмоқда.
Изоҳ (0)