Paralimpiyachilar o‘rtasidagi yengil atletika bo‘yicha JChda O‘zbekiston termasi 4 ta medalga sazovor bo‘ldi

Qatarning Doha shahrida yengil atletika bo‘yicha o‘tkazilgan jahon chempionatida O‘zbekiston terma jamoasi a’zolari 1 ta oltin, 1 ta kumush va 2 ta bronza medaliga sazovor bo‘ldi, deb xabar beradi O‘zbekiston Milliy olimpiya qo‘mitasi matbuot xizmati.

Disk uloqtirish bo‘yicha bo‘lib o‘tgan musobaqada eng yuqori 53,81 metr natija qayd etgan Xusniddin Norbekov, o‘zbekistonlik paralimpiyachilar orasida birinchi bo‘lib yengil atletika sport turida jahon chempionidek sharafli nomga sazovor bo‘ldi.

O‘zbekiston terma jamoasi a’zolari estafeta bahslarida kumush medalga sazovor bo‘lgan bo‘lsa, Xusniddin Norbekov yadro uloqtirishda (14,57 m), Bekjon Chevarov esa uzunlikka sakrash sektorida (6,65 m) bronza medali bilan taqdirlandi.

Eslatib o‘tamiz, ushbu jahon chempionatida yuzta davlatdan 1300 dan ortiq sportchi ishtirok etdi.