Қатарнинг Доҳа шаҳрида енгил атлетика бўйича ўтказилган жаҳон чемпионатида Ўзбекистон терма жамоаси аъзолари 1 та олтин, 1 та кумуш ва 2 та бронза медалига сазовор бўлди, деб хабар беради Ўзбекистон Миллий олимпия қўмитаси матбуот хизмати.
Диск улоқтириш бўйича бўлиб ўтган мусобақада энг юқори 53,81 метр натижа қайд этган Хусниддин Норбеков, ўзбекистонлик паралимпиячилар орасида биринчи бўлиб енгил атлетика спорт турида жаҳон чемпионидек шарафли номга сазовор бўлди.
Ўзбекистон терма жамоаси аъзолари эстафета баҳсларида кумуш медалга сазовор бўлган бўлса, Хусниддин Норбеков ядро улоқтиришда (14,57 м), Бекжон Чеваров эса узунликка сакраш секторида (6,65 м) бронза медали билан тақдирланди.
Эслатиб ўтамиз, ушбу жаҳон чемпионатида юзта давлатдан 1300 дан ортиқ спортчи иштирок этди.
Изоҳ (0)